Terrorizoi Tiranën mbrëmë, kush është “i forti” që qëlloi me armë në rrugën “Bardhyl”

Është zbardhur ngjarja që tronditi kryeqytetin mbrëmjen e djeshme në rrugën “Bardhyl”, ku ka patur të shtëna me armë zjarri.
Raportohet se është arrestuar në flagrancë 37-vjeçari Sandër Dapaj, banues në Tiranë, (i dënuar më parë), i cili është kapur në flagrancë në vendngjarje me armë zjarri të llojit “Beretta”.

U shpall në kërkim pronari i lokalit lloto sporti, shtetasi K. S., 44 vjeç, banues në Tiranë.

NGJARJA SIPAS POLICISE:

Këta dy shtetas më datë 26.09.2017, rreth orës 22:10, në rrugën “Bardhyl”, në lokalin (baste sportive në pronësi të shtetasit K.S., 44 vjeç) janë përfshirë në një konflikt për motive të dobëta me shtetasit G.S, 35 vjeç, E. O., 35 vjeç (i dënuar më parë ), Sh. F., 32 vjeç, E. B., 36 vjeç dhe O. Xh., 46 vjeç , të gjithë banues në Tiranë.

Si pasojë e konfliktit të ndodhur shtetasi Sandër Dapaj, ka qëlluar në ajër me armë zjarri të llojit “Beretta”.

Gjatë kontrollit të ushtruar në lokalin e basteve ( në pronësi të shtetasit K.S., 44 vjeç) i cili rezultoi pa licencë, janë gjetur dhe sekuestruar njësi kompjuteri për vendosjen e basteve sportive dhe televizora plazma.

Sekuestrohen në cilësinë e provës materiale :

– armë zjarri e llojit “Beretta”

– 6 gëzhoja

– 4 televizorë plazma

– 2 njësi kompjuteri

Vijon puna për identifikimin e personave të tjerë të përfshirë në këtë ngjarje.

Materialet ju referuan Prokurorisë së Rrethit Gjyqësor Tiranë në ngarkim të shtetasve S.D., dhe K.S., për veprat penale “Prodhim dhe mbajtja pa leje e armëve luftarake”, “Prishja e qetësisë publike”, “Organizim i llotarive të palejuara” dhe “Vënia në dispozivion e lokaleve për lojëra fati”, parashikuar nga nenet 278, 274, 197 e 198 të Kodit Penal, ndërsa për shtetasit G.S., E.O., Sh.F., E.B., dhe O.Xh., për veprën penale “Prishjs e qetësisë publike”, parashikuar nga neni 274 i Kodit Penal.