Të enjten vendoset për shpërbërjen e Kuvendit

Java e ardhshme pritet të nxjerrë vendime të rëndësishme sa i përket skenës politike në vend. Të mërkurën Kuvendi pritet të votojë për vazhdimin e mandatit të EULEX-it dhe krijimin e Gjykatës Speciale për Krime Lufte.
Por vendimet nuk ndalen me kaq, pasi liderët e partive politike në vend planifikojnë të mblidhen dhe të merren vesh për datën e shpërbërjes së Kuvendit të Kosovës, dhe shkuarjen në zgjedhje të parakohshme.

Gazeta Tribuna merr vesh se një takim i tillë mund të ndodhë të enjten, një ditë pasi Kuvendi të nxjerrë vendimin për gjykatën.

“Menjëherë të enjten do të mblidhemi dhe të merremi vesh për datën dhe formën e shpërbërjes së Parlamentit. Nëse ka ujdi, mund të thërrasim një seancë qysh të premten. Besojmë se me harmonizim të të gjitha partive mund ta hartojmë një tekst të përbashkët me anë të të cilit mund të shkojmë në zgjedhje”, ka thënë një zyrtar i lartë qeveritar për gazetën. /Tribuna/