“Skandali”, gjykata dënoi vetëm me gjobë ‘monstrën’ për rrëmbimin e një të mituri

loading...

WW

loading...
TIRANE- Maniaku seksual Ardian Prrenjasi, duke hedhur “lot krokodili” i ka shpëtuar drejtësisë, në vitin 2008, duke marrë vetëm një dënim me gjobë, edhe pse akuzohej për mbajtjen peng të një fëmije.

Në vendimin e firmosur nga gjykata më 14 nëntor 2008, Prrenjasi, është dënuar me 90 mijë lekë gjobë dhe për shkak të gjykimit të shkurtuar, përfundimisht do të paguante vetëm 60 mijë lekë gjobë, pasi mbajti peng të miturin M.A. Gjykata pasi ka shqyrtuar çështjen, shprehet se ky dënim është i mjaftueshëm, për rehabilitimin e 45-vjeçarit dhe nuk është i nevojshëm izolimi i tij nga shoqëria.

Dënimi vetëm me gjobë i Prrenjasit, i ka dhënë mundësinë sërish atij ti kthehet “zanatit të vjetër” duke kryer më pas dhe krimet e rënda, abuzimin me vrasjen e Julian Çelës, si dhe abuzimin me të miturin A.C, i cili për fat të mirë iu hoq nga kthetrat në momentet e fundit para se ta vriste.

VENDIMI
Sipas vendimit të gjykatës, ngjarja kishte ndodhur me date 30.04.2008 rreth ores 04.00 i pandehuri Ardian Prrenjasi pasi ka mbaruar pune ka pire alkool me dy shoket e tij deri ne oren 05.00 dhe me pas ai ka marre rrugen per ne banese. I pandehuri rreth ores 11.00, i cili kishte konsumuar shume alkool ka ndaluar para deres se nje banese private e shtetases Z. S, ku aty ka pare dy djem te mitur duke luajtur dhe pa i njohur fare i eshte drejtuar njerit prej tyre dhe konkretisht kallzuesit M. A, te cilit i ka kerkuar ta ndihmoje duke ia marre celesat e shtepise ne xhepin e tij me arsyetimin se i kishte duart pis.

Kallzuesi M. A ia ka nxjere çelesat te pandehurit pa menduar per keq , ku ky i fundit i ka kerkuar te miturit qe ti hapte deren e shtepise duke e ftuar ate qe te hynte brenda. Kallzuesi ka hapur deren dhe pasi jane futur brenda ai i eshte drejtuar M. A duke i thene se “ …tashme ishte i marre peng…. se babai i tij duhej te paguante para dhe ne rast te kundert ai nuk do ta linte djalin te dilte nga banesa e tij”. Situata e krijuar ka qene e tensionuar per te miturin, i cili i lutej te pandehurit qe ta linte te lire, nderkohe jashte baneses bertiste kusheriri i M. A pasi ai e pa qe M po vonohej. Ne ato momente i mituri shrytezoi rastin dhe u largua nga banesa ku se bashku me kusheririn e tij E. A shkuan tek familjaret e tyre u treguan per ngjarjen e ndodhur e me pas shkuan ne Komisariatin e Policise Nr 3 ku bene dhe kallzimin perkates .

Ne rrethanat e lartpermendura Organi i Prokurorise ka filluar procedimin penal nr 1623 i vitit 2008 ndaj te pandehurit Ardian Prrenjasi duke e akuzuar ate per vepren penale te parashikuar nga neni 110/1 te K.Penal.

Hetimi i çeshtjes ndaj te pandehurit Ardian Prrenjasi eshte bere pa mase sigurimi. Para se te filloje shqyrtimi gjyqesor i ceshtjes, i pandehuri Ardian Prrenjasi bazuar në nenin 403 të K.Pr.Penale kërkoi qe te procedohet me gjykim të shkurtuar ne gjendjen qe jane aktet e prokurorit duke shprehur pendim te thelle per kryerjen e vepres penale te parashikuar nga neni 110/1 te K.Penal nga ana e tij. Gjykata pasi mori mendimin pozitiv te prokurorit bazuar në nenin 404 të K.Pr.Penale pranoi kërkesën e të pandehurit, pasi çmoi se çështja mund të zgjidhet në gjendjen që janë aktet e prokurorit dhe procedoi me gjykim te shkurtuar.

Gjykata krijoi bindjen e bazuar ne prova se i pandehuri Ardian Prrenjasi eshte autor i vepres penale te parashikuar nga neni 110/1 i Kodit Penal e per rrjedhoje duhet te pergjigjet penalisht.
(/LajmeOnline/)

******************”’

TIRANË – Ardian Prrenjasi pranon në polici: “Kam vrarë 11-vjeçarin Julian Çela”. Dëshmia rrëqethëse konfirmohet nga burime të Policisë së Tiranës për TV “NEWS 24″.

Zgjidhet kështu në mënyrë tragjike misteri i zhdukjes së djalit të Nëndrejtorit të Antiterrorit në SHISH, Skënder Çela, i cili rezulton i zhdukur prej 30 nëntorit të vitit 2012.

45-vjeçari i arrestuar mesditën e djeshme si autor i rrëmbimit të 10-vjeçarit me iniciale A.Cani ka dhënë dëshminë rrëqethëse për të miturin Julian Çela në Komisariatin Nr. 3 Tiranë. Gazetari i TV “NEWS 24″, Spartak Koka raportoi se Prrenjasi, pasi ka pranuar krimin ai fillimisht nuk ka dhënë detaje për vendin ku mund të ketë fshehur kufomën e të miturit si dhe as rrethanat e vrasjes.

Ardian Përrenjasi, baba i 3 fëmijëve, i divorcuar, është kapur dje në flagrancë, pasi pasditen e se shtunes kishte rrëmbyer një tjetër fëmije 10-vjeçar, të cilin po bëhej gati ta vriste të dielen, në shtëpinë ku jetonte me qera në Laprakë. Ardian Prrenjasi rezulton si person me precedentë penal, pasi është akuzuar se ka abuzuar seksualisht me të miturin si në shtetin grek ashtu edhe në vendlindjen e tij Librazhd.

Jualin Çela, djali i Nëndrejtorit të Antiterrorit në SHISH Skënder Çela, rezultonte i zhdukur prej 30 nëntorit 2012. Djali i nëndrejtorit të Antiterrorit në SHISH ishte shpallur në kërkim ndërkombëtar, ndërkohë që një nga pistat e hetimit ishte se zhdukja e vogëlushit kishte lidhje me punën e babait të tij.

18 MARS – E ËMA: MOS IA DËGJOFSHA EMRIN, VARENI NË LITAR
Ora 07:00 – Fill pas arrestimit të “monstrës”, 45-vjeçarit Ardian Prrenjasi, familjarët e tij i bënë thirrje drejtësisë të japë dënimin maksimal për të. Dy vëllezërit, nënën 75-vjeçare dhe motrën, i gjejmë në shtëpi. Ndërsa kanë mbyllur dyer dhe dritare, ata vetëm qajnë e mallkojnë. Në një prononcim për “GSH”, e ëma, Sanije Prrenjasi tha se i biri ishte dënuar në Greqi për pedofili me 4 vjet burg. Edhe atje, akti monstruoz ishte kryer ndaj një fëmije të një çifti emigrantësh shqiptarë. “Që pas kthimit nga ushtria kemi konstatuar devijime. Është dënuar në Greqi për pedofili me 4 vjet burg. Pas kthimit që andej, kujtuam se u rehabilitua, u fejua. Kur ishte në prag të martesës, një rast tjetër ndodhi në Prrenjas. E denoncuan sërish, filloi procesi gjyqësor, por nuk është dënuar”, – tregon e ëma. Edhe vëllezërit e 45-vjeçarit “monstër”, Besnik dhe Fabian Prrenjasi pohojnë se ai është denoncuar për pedofili, madje dyshohet të jenë 4 raste në Prrenjas. “Që atëherë e dëbuam nga shtëpia. Ka ardhur vetëm një herë për një sebep, me këmbënguljen e gjithë fisit. Prej një viti e gjysmë u lidh me një vajzë të mirë dhe menduam se do martoheshin dhe s’do kishte më probleme”, – shprehen ata. Familja kërkon nga drejtësia që ta varë në litar Ardianin. “Nuk kemi për t’ia parë më bojën. Ishalla e dënojnë sa më shpejt, me dënimin më maksimal. Na ka çnderuar, na ka varrosur të gjallë dhe nuk dimë se si ta ngushëllojmë atë familje që ka humbur djalin”, – thotë Sanije Prrenjasi. I vëllai Besniku shkon më tej: “Nuk e meriton t’ia përmendim më emrin. Plumbi është pak. T’ia presin mishin copa-copa. Jo vetëm që ka bërë krime ndaj tyre, por edhe ndaj nesh. Kur dëgjova për krimin, mendova si të më kishte ndodhur për fëmijën tim”, – shprehet vëllai Besniku.
Ne foto Julian Cela
julian cuni
RRËFIMI TRONDITËS I ‘MOSTRËS’: JULIANIN E VRAVA DITËN QË E RRËMBEVA, E HODHA NË PLEHRA
Ora 21:57 Zbulohen detaje të reja dhe tronditëse nga rrëfimi i 45-vjeçarit Ardian Prrenjasi para Policisë së Tiranës.
“E kam vrarë Julian Çelën që ditën që e rrëmbeva më 30 nëntor, pasi sapo e futa në shtëpi filloi duke bërtitur. Nuk e njihja më parë, por e futa në shtëpi pasi i thashë të më blinte një paketë cigare. Trupin e kam mbështjellë me një batanije dhe e kam hedhur në koshin e plehrave pranë shtëpisë në një kohë kur erdhi makina e grumbullimit. Kam qëndruar në këmbë në cep të rrugës dhe kam parë kur makina mori koshin ku kisha hedhur kufomën dhe e hodhi në karrocerinë e saj. Më pas kam hyrë i qetë në shtëpi”,- kjo ka qenë dëshmia e Ardjan Prrenjasit për grupin e hetimit.

RASTI I JULIAN ÇELËS
Jualin Çela, djali i nëndrejtorit të Antiterrorit në SHISH, rezultonte i zhdukur prej 30 nëntorit 2012. 11-vjeçari ishte shpallur në kërkim ndërkombëtar.

Për herë të fundit, 11-vjeçari Julian Çela është parë në një qendër interneti në rrugën “Pandi Dardha”. Pronarja e qendrës së internetit ka treguar për “News 24″ se dikush e kishte kërkuar Julianin të dilte nga interneti, e që nga ajo ditë askush nuk e ka parë më.

“News 24″ dhe ‘BalkanWeb’ njoftuan që prej ditës së parë për humbjen e të miturit dhe apelin e babait me shpresë për gjetjen e djalit. Të afërm të Julianit në “Facebook” shpërndanë foto të djalit të vogël me shpresën se dikush do ofronte ndonjë të dhënë.

“SKANDALI”, GJYKATA DËNOI VETËM MË GJOBË ‘MOSTRËN’ PËR RRËMBIMIN E NJË TË MITURI
Gjykata e Tiranës në nëntor të vitit 2008 ka dënuar vetëm me një gjobë prej 600 mijë lekësh shtetasin Ardian Prrenjasi, i cili akuzohej atë kohë për rrëmbimin e një fëmije.

Ndërkohë që kjo neglizhencë ka bërë që sot në vitin 2013, Ardian Prrenjasi të përdhunonte një fëmijë si dhe të rrëmbente dhe vriste Julian Çelën, 11-vjeçarin e zhdukur në nëntor 2012.

NDËRPRITEN KËRKIMET NË SHARRË
Ora 21:30 Ndërpriten kërkimet në zonën e Sharrës, për gjetjen e kufomës së Julian Çelës. Vështirësitë për shkak të errësirës kanë bërë që ekspertët të ndërpresin kërkimet për ti rinisur sërish në orët e para të mëngjesit të ditës së hënë, së bashku me autorin e krimit.

VËLLAI I ‘MOSTRËS”: MERITON TË VRITET
Ora 21:00 “Vëllai im meriton të vritet”. Kështu e ka dënuar Besnik Prrenjasi, veprimin e të vëllait Ardian Prrenjasit, i cili ka abuzuar seksualisht me një të mitur, ndërkohë që sot doli në dritë krimi monstruoz me 11-vjeçarin Julian Çela.

Në një prononcim për “News 24″, Besniku rrëfen se Ardiani ka pasur probleme mendore që pas kryerjes së ushtrisë, ndërkohë që familja ka 15 vite që e ka dëbuar.

“Ardian Prrenjasi ka pasur probleme që pas kryerjes të ushtrisë. E kemi dëbuar nga shtëpia që prej 15 vitesh. Nuk kemi komunikuar me Ardianin. Meriton të vritet. Ai ka qenë i dënuar me 4 vite në Greqi”, shprehet i vëllai.

BURGAJ: SHPËTUAM 1 FËMIJË NGA MOSTRA
Ora 20:20 Kreu i Policisë së Shtetit Hysni Burgaj nga Komisariati Numër 3 u shpreh se reagimi i shpejtë i policisë shpëtoi nga kthetrat e mostrës Ardian Prrenjasin një tjetër fëmijë, teksa shtoi se detaje të reja do bëhen në orët në vijim për fatin e kufomës së Jualin Çelës, viktimë e maniakut serial të fëmijëve.

“Mund të them është një reagim shumë i shpejtë i policisë lidhur me parandalimin e një ngjarjeje tjetër të rëndë nga një mostër. Të dhëna të tjera do i merrni me detaje më vonë. Ardian Prrenjasi është edhe vrasësi i Julian Çelës.

KËRKIMET E POLICISË NË SHARRË
Ora 20:00 Në familjen Çela janë hapur dyer e mortit ku familjarë dhe miq kanë shkuar për tu gjetur pranë prindërve të vogëlushit Julian Çela, ndërkohë që pak minuta më parë mësohet se familjen e ka vizituar edhe Hysni Burgaj, kreu i Policisë së Shtetit për ngushëllimet e rastit.

Gazetari i TV “NEWS 24″ Mariglen Mërtiri raporton se policia po vijon kërkimet intensive për gjetjen e kufomës së 11-vjeçarit në zonën e Sharrës, pasi maniaku vrasës Ardian Prrenjasi ka dhënë detaje për vendodhjen e trupit të pajetë. Ndërkohë, forca të shumta policie po mbledhin provat të tjera në banesën e 45-vjeçarit.

ÇAUSHAJ: PO PUNOJMË PËR GJETJEN E TRUPIT TË JULIAN ÇELËS
Ora 19:30 Strukturat e Policisë së Tiranës kanë ndaluar shtetasin Ardian Përrenjasi, i cili kishte fshehur në banesën e tij një të mitur 10-vjeçar, të larguar një ditë më parë nga shtëpia, si dhe për vrasjen e të miturit 11-vjeçar, Julian Çela, i zhdukur prej 30 nëntorit të vitit 2012.

Në një deklaratë për shtyp, pasditen e së dielës, Drejtori i Policisë së Tiranës, Bernard Çaushaj, u shpreh se “në bashkëpunim me sektorin e Statistikës dhe Informacionit Kriminal në Drejtorinë e Policisë së Qarkut Tiranë, u arrit të siguroheshin informacionet e para për shtetasin me tendenca kriminale të abuzimit me të miturit. Nga këto informacione rezultoi se shtetasi Ardian Përrenjasi, 45-vjeç, lindur në Përrenjas dhe banues në Laprakë, kishte të dhëna dhe më parë për abuzime seksuale me të mitur. Në vlerësim të këtij informacioni, në banesën e tij u gjet i fshehur fëmija 10-vjeçar dhe shtetasi Ardian Përrenjasi. Në cilësinë e provës materiale iu gjetën një litar dhe një thikë që janë përdorur për t’i bërë presion të miturit”.

policia
Drejtori i Policisë së Tiranës informoi gjithashtu se “falë një pune intensive dhe të mirëorganizuar, në një kohë rekord, policia grumbulloi provat e mjaftueshme dhe të pakontestueshme se shtetasi Ardian Përrenjasi është autor i dyshuar i vrasjes dhe fshehjes së trupit të të miturit Julian Çela, 11-vjeç, i cili rezulton i zhdukur prej 30 nëntorit 2012”. Çaushaj bëri të ditur se policia do të vazhdojë punën për zbardhjen e plotë të veprimtarisë kriminale të këtij shtetasi dhe gjetjen e trupit të të miturit 11-vjeçar Julian Çela.

GJENDET 10-VJEÇARI I ZHDUKUR. AUTORI DYSHOHET SE KA GISHT EDHE NË RASTIN E JULIAN ÇELËS
Ora 15:15 10-vjeçari me iniciale A.C i zhdukur që prej ditës së djeshme gjendet në banesën e komshiut të tij Ardian Prrenjasi në zonën e Laprakës. Burime nga Policia e Tiranës bëjnë me dije se vogëlushi u gjet në banesën e Ardian Prrenjasit, ndërkohë që dyshohet se është mbajtur 24 orë nën presionin e dhunës fizike dhe psikologjike. Po të njëjta burime dyshojnë se 45-vjeçari ka kryer veprime të turpshme me pengun, duke e abuzuar seksualisht.

Ka patur dyshime të familjarëve dhe fqinjëve mbi 45-vjeçarin që kanë venë në lëvizje policinë, pasi banesa e tij ndodhet pranë familjes Cela. Mësohet se 45-vjecari, i cili punonte shofer në ndërmarrjen e pastrim gjelbërimit në Bashkinë e Tiranës, prej dy ditësh nuk ishte paraqitur në punë. Kolegët të cilët kanë tentuar të futen nga dritarja e banjos së shtetasit Ardian Prrenjasi kanë ngjallur edhe dyshimet tek familjarët dhe komshinjtë e 10-vjecarit të zhdukur, të cilet kanë sinjalizuar policinë për ketë fakt.

Strukturat e policisë menjëherë pas dyshimeve të ngritura kanë ndërhyrë me forcë mesditën e sotme, në ambientet e banesës së Ardian Prrenjasit babai i tre fëmijëve, i divorcuar nga Librazhdi që prej disa muajsh jetonte me një femër në Tiranë. Gjatë momentit të arrestimit ai është kapur me një thikë dhe litar në dorë. Arma e ftohtë dhe litari me të cilin është kapur në flagrancë ka bërë që blutë e Tiranës të ngrejnë dyshime se 45-vjecari kishte si qëllim edhe vrasjen e fëmijës.

Nga hetimet paraprake mësohet se 45-vjecari Ardin Prrenjasit, dyshohet edhe për zhdukjen e Julian Çelës, djali i nëndrejtorit të antiterrorit në SHISH, Skënder Çela, i cili rezulton i zhdukur prej 30 nëntorit 2012.
Shtepia e 45 vjecarit
DYSHIMET PËR JULIAN ÇELËN
Ka të dhëna të sigurta që ka elementë në banesën e Ardian Prrenjasit edhe të 10-vjecarit Julian Çela, i cili prej nëntorit të vitit 2012 rezulton i zhdukur. Sipas burimeve të policisë po bëhet ekzaminimi i plotë dhe ka dyshime që 45-vjecari ka rrëmbyer edhe Julian Çelës, pasi dy fëmijët jetojnë vetëm 100 metra larg njëri-tjetrit në zonën e Laprakës.

BABAI: NUK E NJOH ARDIAN PËRRENJASIN
Pas gjetjes së të birit, të zhdukur Sajmir Cani në një prononcim për News24 deklaron se nuk e njeh Ardian Përrenjasin dhe nuk ka asnjë ide sepse mund të ketë grabitur djalin e tij. Cani rrëfen se 10-vjecari humbi dje rreth orës 17:30, dhe menjëherë ai ka bërë denoncimin në polici. Cani shton se Ardian Përrenjasi prej 1 viti jeton në zonën e Laprakës por ai nuk ka asnjë kontakt me të.

“Dje nga ora 17:30 ka dalë të lozë me shokët. Dhe nga ora 19:00 dolëm ta kërkojmë në internet në lagje, bëmë denoncim dhe policia na ndihmoi dhe e gjetëm. Komshi i jonë është, por nuk e njohim. Nuk e di sa kohë banon pranë nesh. Kur e mësuam nuk dinim c’të bënim. Cdo gjë jam lejmë në dorë policisë dhe drejtësisë, djali është në shkollë në klasë të katërt”, u shpreh babai i 10-vjecarit.

(në foto: SAJMIR CANI)
Babai i djalit te rrembyer

GJYSHJA: JEMI HABITUR
“Nuk di gjë, jemi habitur. Këtë njeriun nuk e njoh. Djali kishte gjysëm ore që kishte humbur. Gjysëm ore ka qenë i humbur dhe pastaj babai ka dalë për të gjetur. Ne jemi të ardhur nga Burreli”, u shpreh gjyshja.

DËSHMITARËT: 45-VJECARI AFRONTE FËMIJËT
“Kam dyshuar se erdhi mbrëmë një grua 12:30 të natës. Pastaj, sot erdhën punëtorët e ndërmarrjes së vet. Dhe na thanë se kanë humbur. Aty dyshova. Punëtorët e ndërmarrjes erdhën u futën nga banjo. Unë i pyeta dhe ato më thanë njëri ka munguar dje tjetri ka dy ditë që nuk kishte shkuar në punë aty dyshova unë. Unë nuk e kam njohur, ka 3 vjet që ka ardhur.”,- u shpreh një tjetër dëshmitar.

“Ka dy tre muaj që banon këtu. Ai nuk fliste me njëri. Erdhën punëtorët e ndërmarrjes e kërkuan për punë, hapën dritaren e banjos dhe ne aty dyshuam. Lajmëruam policinë se nuk u hap dera. E shoqja nga Peshkopia kishte ik tek shtëpia vet. Ai ishte i afrueshëm me fëmijë, i conte me ble paketa, gjëra. Fëmijët i afronte të gjithë sikur thonin, i qeraste”, tha një dëshmitar tjetër, i cili se 10-vjecari e njihte 10-vjecarin tjetër Julian Çela pasi banojnë në të njëtën zonë.

“Unë jam komshiu ngjitur. Dje në darkë nëna ime 70-vjecare, mbrëmë ka parë një femër pranë banesës së tij dhe një makinë. Ajo e ka pyetur nënën time se c’bënte natë dhe nëna i tregoi se po kërkonin një djalë të humbur. Pas 5 minutash nëna tha nëna e pashë femrën që iku me makinë”, u shpreh një tjetër komshi.

(/LajmeOnline/)

loading...