Sigurohen paratë: Anila Brahaj nesër niset për në Turqi


Anila Brahaj nga Gjonaj i Hasit të Prizrenit, nesër niset për shërim në Turqi. Familjarët kanë njoftuar se paratë fillestare për trajtimin e Anilës, tashmë janë siguruar.“Familja e Anila Brahajt ju falënderon nga zemra për kontributin tuaj për shërimin e Anilës”, shkruan familja rahaj në llogarin Facebook.
“Falënderojmë në veçanti furrtarët nga Hasi, këngëtarët dhe mediat, të cilët kanë dhënë një kontribut të çmuar”.

“Ju njoftojmë se falë ndihmës tuaj Anila nesër, më 19.03.2016, udhëton për shërim në Stamboll –Turqi”.“Shuma fillestare e kërkuar është siguruar falë jush dhe Ministrisë së Shëndetësisë së Republikës së Kosovës”.

“Nga sot e tutje, familja Brahaj kërkon nga të gjithë qytetarët që të ndërpresin mbledhjen e mëtutjeshme të parave”.“ Pra, askush nuk është i autorizuar të mbledhë më tutje para në emër të familjes së Anila Brahajt, as në rrjete sociale dhe askund tjetër në Kosovë dhe diasporë”.

“Shuma totale e mjeteve të dhuruara për shërimin e Anilës deri sot është 148.419.56 Euro”.“Faleminderit të gjithëve për kontributin e dhënë”.
ab