Sekreti për dashuri të përhershme

0Ekziston një recetë magjike e kombinuar nga kujdesi, ndjenjat dhe emocionet që t’iu mbajë të ri dhe të lumtur gjithmonë. Doza ditore prej katër puthjesh, tre përqafimesh dhe një “të dua”, është e mjaftueshme për lidhje të gjatë dhe dashuri të pashueshme ka treguar një anketim.

Sipas hulumtimit të publikuar, diferenca ideale në vite ndërmjet partnerëve duhet të jetë dy vjet e tre muaj, pastaj partnerët duhet të kenë së paku dy hobi të njëjtë dhe të kenë marrëdhënie seksuale tri herë në javë.

Janë të publikuara edhe disa sekrete tjera të cilat duhet t’i dijë secili çift, ndërsa disa prej tyre janë edhe: dy darka romantike në muaj, tri herë ledhatime brenda javës, së paku dy herë në vit duhet të ketë befasi, një udhëtim jashtë vendit dhe dy udhëtime brenda vendit.

Autorët e kësaj ankete, ku kanë marrë pjesë më shumë se 3.000 çifte britanike, këshillojnë që së paku dy herë në muaj ta kaloni mbrëmjen pa njëri-tjetrin, me qëllim që tek secili të ruhet pavarësia.