Sekretet e dobësimit pa dieta

loading...

0

loading...
Nëse doni të ndryshoni dietën tuaj ditore për të humbur disa kilogramë, duhet të dini që nuk mjafton thjesht të pakësoni sasinë e ushqimit, por duhet të ndryshoni edhe mënyrën e të jetuarit.

Ja disa këshilla të vlefshme për të humbur disa kilogramë, pa mbajtur asnjë lloj diete specifike.

Nëse fle më shumë, ha më pak

Nëse flini një orë më shumë se zakonisht, kjo do t’ju ndihmojë të humbni 6 kg në një vit. Në këtë përfundim kanë dalë studiuesit e Universitetit të Michiganit. Nëse momentet kur nuk kryeni asnjë aktivitet fizik zëvendësohen me gjumë, kjo është një gjë shumë e mirë për trupin, pasi gjumi ndihmon në shkrirjen e të paktën 6% të kalorive që keni konsumuar. Ekzistojnë prova që vërtetojnë se mungesa e gjumit shton oreksin në mënyrë të ndjeshme.

Konsumoni tre racione perimesh

Nëse konsumoni 3 racione perimesh, do të keni ndjesinë e ngopjes pa shtuar shumë kalori. Nëse hani fruta dhe perime keni më shumë mundësi për të humbur peshë.

Fillojeni drekën me një supë

Nëse e filloni drekën duke ngrënë një supë përpara se të hani gjërat e tjera, do të ngopeni më shpejt, pa marrë shumë kalori. Por bëni kujdes, sepse supat nuk janë të gjitha njëlloj. Kujdesuni që supa të përmbajë perime të freskëta dhe të mos ketë yndyrë.

Përtypni një çamçakëz me shije menteje

Në situatat kur keni një dëshirë të papërmbajtshme për të ngrënë, mjafton të përtypni një çamçakëz me shije të fortë mente, i cili u humbet shijen ushqimeve që konsumoni më pas dhe kështu nuk do të keni më dëshirë të hani.

Konsumoni pije me 0 kalori

Nëse ju pëlqejnë pijet e gazuara, duhet të dini gjithashtu se me një kanaçe të vetme shtoni në trupin tuaj të paktën 10 lugë sheqer. Kujdesuni që të konsumoni pije me 0 kalori, si limonatë me lëng limoni, mente apo luleshtrydhe, çaj të zi dhe çaj jeshil.

Reduktojeni sa më tepër mishin nga menuja

Sipas dietologëve, vegjetarianët shëndoshen 20% më pak se njerëzit që konsumojnë mish.

loading...