Përleshje me armë në një pikë bastesh, policia dhe forcat “Shqiponja” blindojnë zonën (Video)


Një sherr në një pikë bastesh ka ndodhur pak më parë tek rruga “Myslym Shyri” në Tiranë. Nga të dhënat e para bëhet me dije se më shumë se 3 persona kanë qenë pjesë e tij, njëri prej të cilëve ishte edhe i armatosur. Dëshmitarët në vendngjarje kanë raportuar për “Jetaoshqef.al” se nga përleshja mes tyre janë plagosur edhe disa persona. Njëri prej tyre është larguar, ndërsa të tjerët janë arrestuar.
Policia e rendit ka mbërritur menjëherë, ndërsa 10 minuta më vonë në vendngjarje kanë ardhur edhe forcat “Shqiponja”.

Deklarata e policisë:

Të shoqëruarit janë E.L 34 vjeç, G.L 26 vjeç dhe S.M 23 vjeç, të cilët për motive ende të panjohura janë konfliktuar mes tyre. Ka qenë ndërhyrja e efektivëve të Komisariatit Nr.3 që ka parandaluar përshkallëzimin e ngjarjes, pasi 23-vjeçarit me iniciale S.M iu gjet një armë pistoletë model Bereta.

Sherri ka qenë mes dy vëllezërve E.L e G.L dhe 23-vjeçarit, të cilit iu gjet arma.

Tre të shoqëruarit në polici po merren në pyetje për të zbardhur shkaqet e plota të ngjarjes.
Screenshot_215