Lamtumirë vapë! Nga nesër ulje temperaturash dhe shi

emperaturat përvëluese që na e bënë këtë verë kaq të gjatë do duhet t’i duroni së paku edhe sot. Meteorologët njoftojnë se vala e të nxehtit që na mori frymën do të tërhiqet nga vendi.

“Vala e të nxehtit tërhiqet të premten nga territori duke sjelle 7-8° rënie të temperaturave në të dy vlerat ekstremale ditore”- njofton Meteoalb, duke saktësuar se “të premten pas mesnates nis ulja e temperaturave”.
Parashikimi për sot.

Vendi mbetet në kushtet e kthjellimeve dhe vranësirave kalimtare, më të dukshme në ekstremin verior.
Edhe pjesa e dytë e ditës vijon me kthjellime në bregdet dhe zonat e ulëta ndërsa kthjellime dhe vranësira kalimtare do të ketë në zonat malore lindore.

Temperaturat e ajrit sjellin një rënie të lehtë gjatë mesditës por maksimumi në rang vendi mbetet rreth vlerës 38 – 39ºC.