Lady Gaga në karrige me rrota prej floriri

f1_13gaga1363190497

Një karrige me rrota prej floriri 24 karat dhe me lëkurë të zezë. Ky do të jetë mjeti lëvizës i Lady Gaga, e cila është operuar në kockën e legenit dhe ka anuluar të gjitha koncertet e saj në Shtetet e Bashkuara të Amerikës.

Sipas ‘New York Post’, këngëtarja e famshme edhe mund të shtrihet nëse ka nevojë për shplodhje pasi dizajni i veçantë i kësaj karrigeje e lejon këtë gjë.

Foto është realizuar nga fotografi Terry Richardson, ndërsa në lidhje me çmimin, ai mbetet sekret, transmeton TCH.

Lady Gaga i kishte kërkuar falje fansave të saj nëpërmjet Twitter-it për koncertet e anuluara: “Më vjen shumë keq. Nuk e di çfarë të them. Kam disa kohë që e kam fshehur gjendjen time tek stafi dhe e kam duruar dhembjen, por sa vjen e përkeqësohet. Jam lutur që të shërohem, por pas koncertit në Montreal të Kanadasë nuk ecja dot më. Edhe tani nuk jam në gjendje të eci.”<koha>