Kishin futur në çantë 136 monedha ari me vlerë 80 mijë euro, ky është “detaji” që tradhtoi shqiptarët

loading...

loading...

Dy shqiptarë të moshave 24 dhe 27 vjeç kanë rënë në prangat e policisë italiane pasi iu sekuestruan 136 monedha ari me vlerë 80 mijë euro.

Sasia e monedhave të arit u sekuestrua nga oficerët e policisë kufitare italiane në Ventimiglia, në një autobus që ishte nisur nga Barcelona dhe kishte si destinacion Milanon.

Shqiptarët janë akuzuar për vjedhje pasi i kishin fshehur monedhat në çanta menjëherë pasi i kishin deklaruar policisë se nuk kishin bagazhe.

Ata u tradhtuan nga momenti kur policia i kishte kërkuar biletat e autobusit të cilat i kishin brenda në çantë.

Policia ka nisur hetimet për zbardhjen e ngjarjes.

loading...