Elbasan, burri kapet duke vjedhur në supermarket….çokollata (Video)

Pak kohë më parë publikuam një video nga një supermarket në Elbasan ku disa djem të rinj ishin filmuar duke vjedhur çokollata. Video e atëhershme bëri mjaft bujë duke qenë se ishte e paimagjinueshme se si djemtë të veshur në mënyrë aspak të varfër, e kishin ulur veten duke vjedhur disa çokollata. Por me sa duket supermarket ku ndodhi kjo ngjarje, ka rënë përsëri pre e vjedhësve. Dhe do ta besoni apo jo, janë vjedhur përsëri çokollata. Pamjet filmike kanë kapur një burrë i cili rrëmben disa çokollata dhe i fut në xhep. Pronari i habitur kur ka parë këto pamje, ka deklaruar se do të mjaftonte që zotëria t’ia kërkonte vetë këto çokollata dhe mund t’i merrte pa pagesë në formë dhuratë.