Edukatorja monstër, “kokëderr, debile, çun i keq, pickime, shkelma, shkulje flokësh….” dhuna barbare e Anjeza Hushit ndaj fëmijëve

loading...

alarm_1475913728-5058607

loading...

Prokuroria e Tiranës ka përfunduar hetimet dhe ka dërguar për gjykim dosjen ndaj të pandehurës Anjeza Husha, drejtoreshës së kopshtit privat të palicencuar në zonën e Saukut në periferi të kryeqytetit.
Husha, e cila më herët ka ushtruar profesionin e gazetares u filmua nga një kamera e fshehtë teksa në ambientet e kopshtit dhunonte në mnëyrë të vazhdueshme një djalë të vogël, për të cilët prindërit paguanin 17 mijë lekë të vjetra në muaj, që ndryshe nga kujdesi që duhej të merrte, vogëlushi pësoi truama të rënda psikologjike.

Sipas hetimeve që ka kryer prokuroria është faktuar në tre raste dhuna që Anjeza Husha ushtronte ndaj fëmijëve, dy djemve dhe një vajze. Gjatë periudhës së hetimit ajo ka qëndruar në burg dhe akuzohet për veprat penale “Keqtrajtimit të të miturve”, 3 herë, si edhe për “Fshehje të të ardhurave”.

Nga hetimet ka rezultuar se administratorja e kopshtit i dhunonte fizikisht fëmijët, duke i pickuar, qëlluar me grushte e shkelma, fyer e duke i mbuluar kokën me çarçaf dhe batanije edhe pse mund të ishte vap. Cun i keq, debile, kokëderr, kafshë, ishin disa nga ofendimet që Anjeza Husha përdorte ndaj fëmijëve të vegjël.

Në bazë të veprimeve hetimore të Prokurorisë së Tiranës, rezulton se:

Që prej muajit Shtator të vitit 2015, e në vijim, e pandehura Anjeza Husha ka ushtruar aktivitetin e kopështit privat të fëmijëve, me logon “DIREN”, në katin e dytë të një ndërtese 3-katëshe, të ndodhur në Sauk të qytetit të Tiranës. Këtë aktivitet, ajo gjatë gjithë kohës jo vetëm që e ka ushtruar pa licensën përkatëse dhe e pa regjistruar në organet tatimore, por edhe duke keqtrajtuar fizikisht dhe psikologjikisht fëmijët që frekuentonin kopështin në fjalë. E pandehura ka marrë në mënyrë sistematike nga prindërit e fëmijëve pagesat mujore dhe nuk ka derdhur në arkën e shtetit, detyrimet tatimore për këto pagesa.

Në muajin Shtator të vitit 2015, në këtë kopësht është regjistruar edhe fëmija R.A dhe midis prindërve të tij dhe të pandehurës, është rënë dakort për një pagesë mujore në shumën prej 17.000 lekësh. Rreth muajit Janar të vitit 2016, e në vijim, e pandehura në mënyrë të përsëritur e pandehura është sjellë ashpër me fëmijën R.A, duke ushtruar dhunë fizike ndaj tij, nëpërmjet pickimeve, goditjeve me shpulla, kapjes me duar etj.

Në paraditen e datës 14.06.2016, e pandehura në një gjëndje të dukshme nervozizmi ka marrë përdore fëmijën R.A dhe duke e tërhequr e ka goditur atë 3-4 herë me pëllëmbë në të dy duart. Njëkohësisht ajo i është drejtuar fëmijës me ton të lartë ne fjalët “Pusho-pusho” dhe mbasi e ka futur tek një nga dhomat e kopështit, e ka lënë aty të vetëm dhe duke qarë. Mbas rreth një minute, ajo është kthyer përsëri dhe duke i thënë “pusho” e ka marrë me vete duke u larguar për një moment nga dhoma. E ka rikthyer përsëri të vetëm në dhomë dhe mbas rreth dy minutash e ka marrë përsëri, duke e ulur në një karrige, në ambientin ku ndodheshin edhe fëmijët e tjerë të kopështit. Mas pas, në këtë ambient, ajo ka filluar që të sillet në mënyrë agresive me fëmijën R.A, duke ushtruar përsëri dhunë fizike ndaj tij. Fillimisht, ajo me dorën e saj të majtë i ka tërhequr veshin e djathtë fëmijës, duke e tërhequr me forcë nga atë karrigia dhe goditur një herë në kokë me pëllëmbën e majtë. Mandej ajo i është drejtuar me fjalët “R…R…., do të duroj ty, kur të them pusho-pusho” dhe e ka larguar nga ambienti. Pas rreth një minute, ajo e sjell përsëri fëmijën R.A. në ambientin ku ndodheshin edhe fëmijët e tjerë, duke i thënë “Hajde këtu shpirti im, ti je shumë i mirë”. Por, fëmija ka vazhduar që të qajë me zë të lartë dhe shtetasja Anjeza Husha i është drejtuar me ton të lartë me fjalët “pusho, pusho, pusho, mos të dëgjoj më, djalë i keq”. Ndërsa fëmija vazhdonte të qante, ajo i ka thënë “pusho, pusho, qepe gojën Rain. Mos t’a dëgjoj zërin. Ashtu, shëët, shëët, qepe. Pusho-pusho-pusho. Xhan-xhan Rain” dhe është larguar. Pas rreth 15 minutash, e pandehura Anjeza Husha është kthyer përsëri dhe i është afruar fëmijës dhe është përpjekur që t’a qetësojë duke e ledhatuar, puthur në dorë dhe afruar pas vetes. Ajo është përjekur që edhe të luajë me fëmijën dhe ndërsa ky vazhdonte të qante i terrorizuar, ajo është ngritur për t’u larguar dhe i është drejtuar me fjalët “pusho-pusho-pusho, oj ky, sa më mirë aq më keq. Qepe gojën e mos t’a dëgjoj më zërin, pusho, qepe, shët”. Për shkak të veprimeve të saj të dhunës, fëmijës R.A. i janë shkaktuar dëmtime fizike, të cilat hyjnë në kategorinë e atyre dëmtimeve, të cilat sjellin për pasoja humbjen e aftësisë së përkohëshme për punë në masën deri në 9 (nëntë) ditë (në rastet e të rriturve).

Në muajin Shtator të vitit 2015, në kopështin e të pandehurës Anjeza Husha, është regjistruar edhe fëmija A.K. Gjatë kohës që ky fëmijë ka qëndruar në kopësht është keqtrajtuar fizikisht dhe psikologjikisht nga e pandehura, pasi ajo në mënyrë sistematike i ka shkulur veshin, pickuar, gjuajtur me shkelma, bërtitur, fyer me fjalët “kokëderr”, kafshë” dhe mbuluar kokën me batanije edhe pse mund të ishte vapë. Mbas dy muajve që fëmija A.K. ndodhej në kopësht e në vijim, prindërit e tij kanë vënë re se ai ka filluar të shfaqë shqetësime të ndryshme, duke u zgjuar disa herë gjatë natës, qarë dhe ulëritur pa shkak. Në dy raste ata kanë konstatuar shenja dhune dhe konkretisht të nxira në kofshë dhe në shpinë. Për këtë fakt ata kanë vënë në dijeni të pandehurën, por ajo u ka shpjeguar se fëmija ishte zënë me një fëmijë tjetër. Duke qenë se gjëndja ka vazhduar e njëjtë, prindërit e kanë hequr fëmijën nga kopështi, dikur rreth datës 10.06.2016.

Në të njëjtën periudha në kopësht është regjistruar edhe fëmija E.K. Gjatë kohës që kjo fëmijë ka qëndruar në kopësht është keqtrajtuar fizikisht dhe psikologjikisht nga e pandehura Anjeza Husha, pasi ajo në mënyrë sistematike i ka shkulur veshin, flokët, pickuar, gjuajtur në gjithë trupin, bërtitur, fyer dhe mbuluar kokën me çarçaf edhe pse mund të ishte vapë. Mbas vajtjes në kopësht fëmija ka paraqitur shqetësime të ndryshme si trëmbje në gjumë gjatë natës dhe qarje pa shkak. Ajo nuk donte të shkonte në kopësht dhe u thoshte prindervë se aty i shkulnin flokët, i tërhiqnin veshin, e fyenin duke i thënë “debile, kafshë, etj.”. Megjithëse babai i saj ja kishte paraqitur këto fakte të pandehurës, ajo i kishte mohuar faktin që E.K. të ishte keqtrajtuar në kopësht. Por, duke e parë se gjëndja e fëmijës ishte shqetësuese ai e kishte hequr nga kopështi.

loading...