Aksidenti në Burrel, në makinë katër persona të së njëjtës familje (Foto)


Në automjetin që u aksidentua sot në afërsi të tunelit të Shkopetit udhëtonin tre vëllezër dhe një kushëri i tyre, të gjithë punëtorë ndërtimi. Katër personat që ndodheshin në mjetin tip “Benz” po ktheheshin nga puna.
Sipas policisë, viktimat janë Afrim Rexhepi dhe Fitim Nelku, ndërsa të plagosur janë Artan dhe Ajet Rexhepi.
Aksidenti rrugor është shënuar pak pas mesditës në aksin Tiranë-Peshkopi.
Një automjet tip “Benz” me targë AA 923 FH ka dalë nga rruga dhe ka përfunduar në ujërat e liqenit Shkopet.
Policia bën të ditur se ngjarja ka ndodhur në afërsi të tunelit të Shkopetit.
Policia e Laçit, Burrelit dhe Peshkopisë mbërritën menjëherë në vendin e ngjarjes, ndërsa të plagosurit janë transportuar në spital, ku po u jepet ndihma mjekësore.
Aksidenti dyshohet se ka ndodhur si pasojë e humbjes së kontrollit nga ana e drejtuesit të mjetit, ose ndonjë problem shëndetësor i tij.
a1

a2